Ապրիլի 22-ին հազարավոր հայեր ու հրեաներ կհավաքվեն Նյու Յորքի Times Square-ում

Ամերիկյան The Gazette-ի փոխանցմամբ՝ հազարավոր հայեր ու հրեաներ ապրիլի 22-ին հավաքվելու են Նյու Յորքի Times Square-ում, որպեսզի հարգանքի տուրք մատուցեն Հայոց ցեղասպանության, ինչպես նաև Հոլոքոսթի զոհերի հիշատակին:

Հայոց ցեղասպանության մոտեցող 97-ամյակի կապակցությամբ Ցեղասպանությունը վերապրած չորս կանայք հարցազրույց են տվել Նյու Յորքի Հայկական տանը՝ պատմելով իրենց սարսափելի ապրումների ու ցավերի մասին:

Խոսքը 1909 թ. Խարբերդում ծնված Փիրուզ Կալուսդինյանի, Արշալույս Դադիրի, որի հորը թուրքերը սպանել են, երբ նա երկու տարեկան էր, 99-ամյա Շառլոտ Քեչեջյանի և 1910 թվականին Ուրֆայում ծնված Ազնիվ Կիրակոսյանի մասին է:

Միչիգանի համալսարանի Հայկական հետազոտական կենտրոնի տնօրեն Դենիս Փափազյանը հայտարարել է, որ ամեն տարի կրճատվում է Հայոց ցեղասպանությունը վերապրած անձանց թիվը:

Նա հավելել է, որ այդ օրերին նրանց` խոր հոգեբանական վնասվածք ստանալու մասին է վկայում այն, որ այդպիսի պատկառելի տարիքում նրանք հիշում են այդ օրերին տեղի ունեցածի մասին:

http://www.1in.am/arm/regional_turkey_70341.html