Ուելսում քննարկվում է Հայոց ցեղասպանության մասին փաստաթուղթ

Ինչպես հայտնում է «Nouvelles d`Arménie»-ն` հղում անելով Մեծ Բրիտանիայում հայերի պաշտպան Էյլիան Ուիլյամսին, Ուելսի Ազգային ասամբլեայի անդամների մեծամասնությունը ստորագրել է «Հայոց ցեղասպանության զոհերի հիշատակի օրվա» մասին կարծիքների հռչակագիրը:

Ուելսի Ազգային ասամբլեայի 60 անդամներից միայն 45-ն են մասնակցում այսպիսի քվեարկություններին: Ներկա պահին հռչակագիրը ստորագրել է 32 անդամ: Սակայն նշվում է, որ հիմա կարևոր է պարզել, թե արդյոք Հայոց ցեղասպանության հիշատակի օր սահմանելը կառավարության, թե Ազգային ասամբլեայի իրավասությունների շրջանակներում է:

Ուելսի Ասամբլեայի կառավարությունն ունի 12 նախարար, ովքեր հիմնականում Մեծ Բիրտանիայի դիրքորոշումն են ընդունում, երբ հարցը վերաբերում է Հայաստանին:

http://www.haynews.am/hy/1332919710