Ադրբեջանական 1news.az-ը, վկայակոչելով թուրքական լրատվամիջոցները, հայտնում է, որ Թուրքիայում 12 միլիոն մարդ գտնվում է աղքատության շեմին: Թուրքիայի սոցիոլոգիական ծառայությունների հետազոտությունների համաձայն՝ 2000-ական թվականների սկզբից սկսած Թուրքիայում աստիճանաբար նվազել է աղքատության շեմին կանգնած մարդկանց թիվը:
Ներկայիս դրությամբ այդպիսի մարդկանց թիվը կազմում է 12 միլիոն մարդ, որոնցից 300,000-ը գումար չունի անգամ իր սնունդն ապահովելու համար: Վերջին տասնամյակում գյուղացիների վիճակը վատթարացել է, մինչդեռ քաղաքային բնակիչների եկամուտներն ավելացել են:
Գյուղացիների շրջանում աղքատների թիվը 34.62 տոկոսից աճել է մինչև 38.69 տոկոսի: Մինչդեռ քաղաքացիների շրջանում աղքատների թիվը 9.38 տոկոսից նվազել է մինչև 8.86 տոկոսի:
Leave a Reply