Բողազիչի համալսարանում «Առերեսման լաբիրինթոս» է բացվել

Բողազիչի համալսարանի ուսանողների կազմակերպած «Խաղաղության և արդարության շաբաթը» մեկնարկել է մամլո ասուլիսով: Համալսարանի հարավային ավանում (Güney Kampus) հավաքված ուսանողներն այստեղից ուղղվել են դեպի հյուսիսային ավան (Kuzey Kampus), որտեղ կառուցվել է «Առերեսման լաբիրինթոսը»: «Ֆըրաթ» լրատվական գործակալության փոխանցմամբ` լաբիրինթոսի մոտ հասած ուսանողներն այստեղ հանդես են եկել մամլո հաղորդագրությամբ: Մասնակիցներից Օզգե Քելեքչեն շեշտելով, թե «Այս կարմիր ուղղանկյունը ստեղծվել է Հայոց ցեղասպանությունից քաղված, սեպտեմբերի 6-7-ի դեպքերից մեկտեղված, կանանց դեմ իրագործված կոտորածներից հավաքված, քուրդ ժողովրդի` գերեզմաններ հոսեցված արյամբ», հավելել է. «…եթե այս լաբիրինթոսի կարմիր քառանկյան մեջ առկա են Թուրքիայի բանտերի պատմությունը և Ուլուդերեի գերեզմանոցը, ապա դրանից ելքը գտնվում է Թուրքիայի ժողովուրդների դիմադրության մեջ: Մենք, որպես Բողազիչի համալսարանի ուսանողներ, դեպի լաբիրինթոսի ելք ենք գնում` «Խաղաղություն և արդարություն» կարգախոսով»:

Մամլո հաղորդագրությունից հետո կատարվեց «Առերեսման լաբիրինթոսի» բացումը: Լաբիրինթոսը բաղկացած է չորս առանձին միջանցքներից: «Առերեսման միջանցք» անվանվող բաժինը սկսվում է սպանված հայ լրագրող Հրանտ Դինքի որդու` Արաթ Դինքի հետևյալ խոսքերով` «Թող իմ անգոյությունը նվիրաբերվի թուրք ժողովրդին»: Այնուհետև լուսանկարներով ներկայացվում են հայ և այլ ազգային հավաքականությունների դեմ կատարված ջարդերը և տեղահանությունները:

27.03.2012

Akunq.net