Հրանտ Դինքը Թուրքիայում կարող է նահատակ ճանաչվել

Թուրքիայի ընտանիքի եւ սոցիալական քաղաքականության նախարար Ֆաթման Շահինը հայտարարել է, որ այդ երկրում գործողության մեջ դրված օրենքով կարող է 2007 թ. սպանված Ստամբուլի հայալեզու «Ակօս» թերթի գլխավոր խմբագիր Հրանտ Դինքը նահատակ ճանաչվել Թուրքիայում:

Ինչպես հաղորդում է «Արմենպրես»–ը` վկայակոչելով թուրքական «Սաբահ» թերթը, օրենքը վերաբերվում է 1987 թ. հետո ահաբեկչության զոհ դարձած քաղաքացիական անձանց: «Եթե Հրանտ Դինքի ընտանիքը թիվ 5233 օրենքից օգտվելու համար դիմում ներկայացնի, ապա կարող է օգտվել քաղաքացիական նահատակների համար սահմանված իրավունքներից», -ասել է նա:

Թուրք նախարարը հավելել է, որ Թուրքիայում 4323 քաղաքացիական նահատակներ կան ճանաչված:

http://armenpress.am/arm/news/685363/hrant-dinqy-turqiayum-karox-e-nahatak-tchanachvel.html