Հայտնի թուրք երգչուհի Սեզեն Աքսուն, ով հայտարարել էր, թե իր նոր ձայնասկավառակում տեղ է գտնելու «Սարի գելին» երգի հայերեն կատարումը, հերթական անգամ հայտնվել է այդ մտքից դժգոհ մարդկանց թիրախում:
Նախ` Աքսուի այս նախաձեռնությունից խիստ դժգոհ էին ադրբեջանցիները, որոնք իրենց բնորոշ հիսթերիա բարձրացրին, իսկ այժմ էլ հերթը հասել է էրզրումցի կանանց:
«Այդ երգն Էրզրումինն է: Ոչ ոք չի կարող այն հայերինը դարձնել»,-նշել են Էրզրումում (Կարին) բնակվող մի խումբ կանայք, փոխանցում է թուրքական «Հաբերլեր» կայքը: Էրզրումի բնակչուհիները նշել են, որ «Աքսուն պետք է իմանա իր չափը»:
Նշենք, որ «Սարի գելին» (Սարի հարսնացու, սարի աղջիկ) մեղեդին հայկական է, սակայն թուրքական և ադրբեջանական խուժանը հայտարարում է, թե այն իրենցն է: Ամեն դեպքում` Թուրքիայում հիմնականում ընդունված է այն համարել հայկական: Մասնավորապես` դրա հայկական ծագման մասին հայտարարել են Թուրքիայի առաջին այրերը, այդ թվում նաև` արտգործնախարար Ահմեթ Դավութօղլուն:
Հավելենք, որ Աքսուն իր նոր ձայնասկավառակում տեղ է հատկացրել «Սարի գելին» երգի հայերեն կատարմանը: Ձայնագրման աշխատանքներին մասնակցել է նաև հայկական երգչախումբը:
HayNews.am
Leave a Reply