Քուրդ պատգամավորը Քուրդիստանի ինքնավարության համար հանրաքվե է պահանջել

Թուրքիայի Գազիանթեփ (Այնթափ) քաղաքում քրդերի կողմից կազմակերպված Նովրուզի տոնակատարության ժամանակ քրդական Խաղաղություն եւ ժողովրդավարություն կուսակցության կին պատգամավոր Լեյլա Զանան իշխանություններից պահանջել է Քուրդիստանի ինքնավարության հարցով հանրաքվե անցկացնել։

Թուրքական Beyazgazete-ի փոխանցմամբ՝ քուրդ պատգամավորը ելույթի ժամանակ խիստ քննադատության է ենթարկել Թուրքիայի վարչապետ Ռեջեփ Թայիփ Էրդողանին՝ քրդերի նկատմամբ ավելացող ճնշումների եւ Նովրուզի տոնակատարությունների արգելման համար։  Քրդերի ցանկությունն իմանալու համար Լեյլա Զանան իշխանություններից պահանջել է հանրաքվե անցկացնել՝ հասկանալու, թե քրդերն ինքնավարությո՞ւն, թե՞ նահանգային կառավարում են ուզում։

http://news.am/arm/news/98145.html