«Թուրքիա» թերթի սյունակագիր Ֆուաթ Բոլն այսօրվա իր սյունակում «Կեղծ պատմություն մինչև ե՞րբ» վերտառությամբ հոդվածում պատմել է, թե ինչպես են հայ շինարարներին «պատմությունը ջնջելու» գաղտնի հրաման տվել ի՞նչ լուծում են գտել նրանք:
Սյունակագիրը հիշեցրել է, որ անցյալ դարի առաջին կեսին, երբ հիմնվեց Թուրքիայի հանրապետությունը, նոր իշխանությունները, որ «թագավորից ավելի թագավոր էին» որոշեցին վերացնել անցյալին պատկանող ամեն ինչ և նորաստեղծ խորհրդարանում նման որոշում ընդունվեց:
Այդ որոշմամբ պատմական բոլոր շենքերը` դպրոց, հիվանդանոց, գյուղապետարան, դատարան, համալսարան և այլն, որոնց վրա անցյալը հիշեցնող որևէ գրություն կար, որոշվեց ջնջել, իսկ այդ ամենը ցանկացան անել հայ վարպետների միջոցով:
«Հողը թեթև լինի, Զաքարյալ Քալֆան, հորս էր պատմել. «Գաղտնի հրամանը Անկարայից էր եկել: Այդ կեղտոտ գործի համար հայ վարպետներ էին ընտրել և հանձնարարական տվել: Մենք էլ գիշերը հավաքվեցինք եկեղեցում և քննարկեցինք հարցը: Մտածում էինք, եթե ենթարկվեինք այդ հրամանին, այդ կառույցների իրական տերերը մի օր գալու էին ու հայերից բացատրություն պահանջեին: Այդ ժամանակ ի՞նչ էինք անելու: Մտածեցինք այդ գրությունները վերացնելու փոխարեն վրայից ծեփենք, որ եթե մի օր պետք լինի, ծեփը քանդեինք ու տակից գրությունները դուրս գային: Այդպես էլ արեցինք, սակայն թույլ չտվեցին», – պատմել է նա:
http://daily.am/?l=am&p=3990
Leave a Reply