Թուրք պաշտոնյաները շարունակում են աչքի ընկնել իրենց տարօրինակ պահվածքով և հայտարարություններով: Հերթական անգամ բոլորին զարմացրել է Թուրքիայի ԵՄ հարցերով նախարար և գլխավոր բանագնաց Էգեմեն Բաղըշը, ով բոլորի ներկայությամբ սուրճի բաժակ է նայել: Ինչպես հաղորդում է «Արմենպրես»–ը` այս մասին տեղեկացնում է թուրքական «Հուրիեթ» պարբերականը:
Բաղըշը շվեդական «Միջազգային զարգացման համագործակցության» նախագահ Գունիլլա Կարլսոնի հետ մասնակցել է «Հնարավորություններ և մարտահրավերներ. Եվրոպա» խորագրով կլոր սեղանին: Կոնֆերանսից առաջ թուրք նախարարը թուրքական սուրճ է հյուրասիրել, որը խմելուց հետո Կարլսոնին պատմել է թուրքական սուրճի բաժակով գուշակություններ անելու ավանդույթի մասին: Ավելի ուշ նա իր բաժակն է նայել և ասել. «Սուրճի բաժակի մեջ տեսնում եմ, որ Թուրքիան անդամագրվելու է Եվրամիությանը»:
Leave a Reply