Թուրքական «Միլիեթ» թերթի սյունակագիր Ֆիքրեթ Բիլան հայտարարել է, որ Անկարան քրդական խնդրի լուծման գործում ռազմավարական փոփոխության է գնում: Նրա խոսքով` թուրքական իշխանություններն այդ ռազմավարության մեջ այլեւս որպես խոսակից հրաժարվում են տեսնել Կանդիլում տեղակայված Քրդստանի աշխատավորական կուսակցության (PKK) ներկայացուցիչներին եւ Իմրալի բանտում ցմահ բանտարկված PKK-ի առաջնորդ Աբդուլլա Օջալանին:
Ինչպես հաղորդում է «Արմենպրես»–ը, CNNTurk-ի «Parametre» ծրագրում այն հարցին, թե քրդական հարցում ո՞վ է լինելու Անկարայի խոսակիցը, Բիլան ասել է, թե դա կարող է լինել Թուրքիայի խորհրդարանում 35 պատգամավորներ ունեցող քրդական Խաղաղություն եւ ժողովրդավարություն կուսակցությունը, եթե այն վերջ դնի Կանդիլի հետ իր կապերին: «Հակառակ դեպքում` Անկարան հանդիպումներ կսկսի քրդական մի այլ կուսակցության, կամ էլ քաղաքացիական հասարակական կազմակերպության հետ», -հավելել է «Միլիեթ»-ի սյունակագիրը:
http://armenpress.am/arm/news/684983/ankaran-razmavarakan-popokhutyan-e-gnum-qrdakan-harcum.html
Leave a Reply