Թուրքիայում «Էրգենեկոն»-ի գործի շրջանակներում ձերբակալված Թուրքիայի հատուկ նշանակության զորքերի նախկին փոխհրամանատար Իբրահիմ Շահինի կողմից հատուկ մահափորձեր իրականացնելու համար ստեղծված S-1 խմբավորման բոլոր անդամները դատարանի որոշումներով տարբեր ժամանակներում ազատ են արձակվել։
«Էրգենեկոն-3» գործի բաժիններից մեկում ներկայացված են Թուրքիայի հատուկ նշանակության զորքերի նախկին փոխհրամանատար Իբրահիմ Շահինի կողմից S-1 հատուկ խմբավորման գործողությունների վերաբերյալ տեղեկություններ, ըստ որի, 15 հոգուց (7 ոստիկան եւ 8 զինվորական) խումբը պետք է պետք է մահափորձ իրականացներ Պոլսո հայոց պատրիարք Մեսրոպ Մութաֆյանի, ալեւիների առաջնորդներից Ալի Բաքըզի եւ այլոց դեմ։ Ավելի ուշ հիշյալ գործով ամբաստանյալները տեղափոխվել են «Էրգենեկոն-2» դատական գործի մեջ։
Թուրքական դատարանը 15 հոգանոց խմբի բոլոր անդամների նկատմամբ տարբեր ժամանակահատվածներով հերթով ազատ արձակման որոշում է կայացրել՝ հաշվի առնելով ապացույցների վիճակն ու կալանքի տակ գտնվելու ժամանակահատվածը։
2011-ի հունիսին Իբրահիմ Շահինի դեմ նոր դատական գործ է հարուցվել՝ Սըվասի հայերի առաջնորդ Մինաս Դումազգյուլերի դեմ մահափորձ կազմակերպելու մեղադրանքով։
Դեռեւս 2009-ին Իբրահիմ Շահինի տան խուզարկության ժամանակ փաստաթղթեր են նոթատետրեր են հայտնաբերվել, որտեղ հաստատվել է «Էրգենեկոն»-ի ներսում հատուկ ջոկատայիններից կազմված S-1 խմբավորման մասին պնդումները։ Նոթատետրի բովանդակությունը տեղ է գտել մեղադրական զեկույցում։
Մեղադրական զեկույցում տեղ է գտել նաեւ Իբրահիմ Շահինի հեռախոսային խոսակցության մանրամասներ, որտեղ Շահինը, նկատի ունենալով S-1-ը՝ ասում է, որ ինքը հայերի դեմ կազմավորված առաջին կազմակերության ղեկավարն է։
Շահինի տանը հայտնաբերած փաստերի համաձայն` Պոլսո հայոց պատրիարքի դեմ կազմակերպվելիք սպանությունը ունենալու էր նախապատրաստության հինգ աստիճան։
Առաջին աստիճանում պետք է ստուգվեր թիրախի ելումուտը պատրիարքարան եւ ուսումնասիրվեր գրաֆիկը, իսկ հինգերորդ աստիճանում թիրախի փողոց դուրս գալուն պես պետք է երկու զենքերով կրակ բացվեր նրա ուղղությամբ։
Արթուր Հակոբյան
Leave a Reply