Պատմական Կիլիկիայում թուրքերը Նովրուզը շնորհավորել են նաեւ հայերենով

ԱԼԵՔՍԱՆԴՐԵՏ, 21 ՄԱՐՏԻ, ԱՐՄԵՆՊՐԵՍ: 1949 թ-ին Սիրիայից Թուրքիային անցած պատմական Կիլիկիայի նավահանգիստ Ալեքսանդրետ քաղաքում (այժմ Իսքենդերուն) գործող «Մարդինցիների օգնության եւ համերաշխության կազմակերպության» կողմից զրադաշտական Նովրուզ տոնի կապակցությամբ տարածված պաստառներում 12 լեզուներով շնորհավորանքներ են արվել` այդ թվում նաեւ հայերենով:

Ինչպես հաղորդում է «Արմենպրես»–ը` վկայակոչելով թուրքական «Ջումհուրիեթ» թերթը, կազմակերպության նախագահը լրագրողներին հայտարարել է, որ փորձում են այդ ձեւով իրենց ներդրումն ունենալ աշխարհի ժողովուրդների միջեւ եղբայրություն եւ միջկրոնական համերաշխություն հաստատելու գործում:

http://armenpress.am/arm/news/684823/patmakan-kilikiayum-turqery-novruzy-shnorhavorel-en.html