Թուրքական Մեջլիս ներկայացված դիմումը սարսափեցրել է բոլորին

Թուրքական Ազգային մեծ ժողովում Դերսիմի դեպքերն ուսումնասիրող ենթահանձնաժողով ներկայացված 1927 թ. ծնված Նադիդե Շիրինի դիմումը մտածելու տեղիք է տվել շատերին: Դիմումի մեջ նա նկարագրել է, թե ինչպիսի դաժան հաշվեհարդար են տեսել թուրք զինվորները հասարակ գյուղացիների հետ: Այս մասին հաղորդում է «Արմենպրես»-ը` վկայակոչեոլվ թուրքական «Միլլիեթ» թերթը:

Նադիդեն պատմել է, որ կանայք փախել են սարերն այն բանից հետո, ինչ զինվորականները հարձակվել են գյուղի վրա: Սարերում թաքնված դերսիմցիներին գտնելով` զինվորները սպանել են նրանց: «Մենք թաքնվում էինք ծառերի հետևում: Կանայք խեղդում էին իրենց երեխաներին, որպեսզի նրանք լացելով իրենց գտնվելու վայրը չմատնեն»,- պատմել է նա: Նադիդեն, ով 1938 թ. 11 տարեկան էր, պատմել է, թե ինչպես է մյուսների նման փախել սարերը: Ճանապարհին նա կորցրել է իր ողջ ընտանիքին` բացառությամբ հորաքրոջը: «Սարը բարձրանալով` հեռվից սկսեցինք հետևել գյուղում տեղի ունեցող իրադարձություններին: Քարանձավներում շատերին սպանեցին»,- ավելացնում է ականատեսը:

Ընտանիքի անդամներին կորցրած Նադիդե Շիրինը դեպքերից հետո երկար ժամանակ ստիպված է եղել զբաղվել մուրացկանությամբ:

http://armenpress.am/arm/news/684348/turqakan-mejlis-nerkayacvats-dimumy-sarsapecrel-e-bolorin.html