Բախումներ Թուրքիայում. 1 քուրդ է զոհվել

Ստամբուլում Նովրուզի ցույցերի ընթացքում ոստիկանության և քրդերի բախումների ընթացքում ոստիկանության բացած կրակից քուրդ ցուցարար է զոհվել:

Twitter-ի իր էջում քրդական Խաղաղություն և ժողովրդավարություն կուսակցության անդամ Գյուլթան Քըշանաքը գրել է. «Ոստիկանության հարձակման հետևանքով զոհվել է Ստամբուլի Արավութքյոյ շրջանի տարածքային կառույցի ղեկավար Հաջի Զենգինը»:

Ինչպես տեղեկացնում է CNNturk-ը, Քրդերի և ոստիկանության բախումների պատճառը քրդերի Նովրուզի տոնակատարությունն է:

Քրդերը պահանջում էին Նովրուզի տոնակատարություններն սկսել այսօրվանից, սակայն թուրքական կառավարությունը տեղեկացրել էր, որ տոնակատարությունները տեղի կունենան միայն մարտի 21-ին:

Այսօր բազմամարդ հանրահավաքներ են տեղի ունեցել Դիրաբեքիրում, Բոդրումում, Ստամբուլում և այլ քաղաքներում:

Դիարբեքիրում նույնպես բախումներ են եղել ոստիկանության հետ: Ոստիկանությունը ցուցարարներին ցրել է մահակներով և արցունքաբեր գազով:

http://tert.am/am/news/2012/03/18/turkey-bdp/