Թուրքիայում սկսում են հայտնվել քրդերեն դասագրքեր

Թուրքիայում պատրաստվում են տպագրել քրդերենով մաթեմատիկայի դասագիրք, տեղեկացնում է թուրքական «Ռադիքալ» պարբերականը:

 

Սա իր տեսակի մեջ առաջին դասագիրքը կլինի քրդերենով, ինչն արդեն մեծ ուշադրություն է գրավել Թուրքիայում:Քրդերենով մաթեմատիկայի դասագիրքը պատրաստել է Հաքքարիի համալսարանի դասախոս Յուսուֆ Սոյվուլարը:Սոյվուլարին գրքի պատրաստման գործում մեծ օգնություն է ցուցաբերել Հաքքարիի համալսարանը:

Սոյվուլարը նշել է, որ «պատրաստվում էր գիրքը գրել դեռ 2003 թվականին, սակայն համապատասխան պայմանների բացակայությունը թույլ չէր տալիս անել դա»:

Քրդերեն դասագիրքը բաղկացած է լինելու 250 էջից: Այն վերջնական պատրաստ է լինելու մայիսի 22-ին և ներկայացվելու է Դիարբեքիրում կազմակերպվելիք գրքի ցուցահանդեսի ժամանակ:

HayNews.am