ՄԻԵԴ-ում ամենաշատ հայցերը վերաբերում են Թուրքիային

Հրապարակվել է Մարդու իրավունքների եվրոպական դատարանում Թուրքիային վերաբերող գործերի վիճակագրությունը:

Վիճակագրության համար հաշվի են առնվել վերջին 52 տարիների ընթացքում ՄԻԵԴ-ում բացված այն գործերը, որոնք այս կամ այն կերպ կապ են ունեցել Թուրքիայի հետ, փոխանցում է «ՀայԹերթը»:

Ըստ այդմ` ՄԻԵԴ-ում Թուրքիային վերաբերող 2 404 գործ է քննվել: Այս ցուցանիշով մեր հարևան երկիրն առաջինն է ՄԻԵԴ-ում:

Թուրքիայի դեմ մեծ թվով գործեր են բացվել «դատական համակարգի ոչ արդար որոշումների» (729 գործ), «գույքի իրավունքի» (611), «ազատության և անվտանգության ապահովումը չիրականացնելու» (554) հոդվածներով:

Թուրքիայի հետ այս ցուցանիշներով մրցում է միայն Ռուսաստանը:

Նշենք, որ հիմնականում գույքի վերաբերյալ հայցերի նշանակալի մի մասը ներկայացնում են հայերն ու հույները:

HayNews.am