Եվրամիությունը մի կողմից Թուրքիայից պահանջում է վերադարձնել եկեղեցիները, մյուս կողմից` թույլ է տալիս ավերել դրանք

Թուրքիայի համար եկեղեցիներ քանդելը և թալանելն արդեն պետական մակարդակի ավանդույթ է:

Եթե անցյալ դարասկզբին Թուրքիայում ավերվել և թալանվել են 5 հազարից ավելի եկեղեցներ, ապա 21-րդ դարում նույն հաջողությամբ թալանվում և ավերվում են 500-ից ավելի եկեղեցիներ` արդեն Եվրամիության աչքի առաջ:

Կիպրոսի արտաքին գործերի նախարար Կոզակու Մարկուլլին անցյալ շաբաթ Կոպենհագենում կայացած Եվրամիության արտաքին գործերի նախարարների համաժողովում խիստ քննադատության է ենթարկել Թուրքիային: 1974-ից հետո Թուրքիայի զինված ուժերը բռնազավթել են Կիպրոսի հյուսիսային հատվածը, ինչի արդյունքում շուրջ 500 ուղղափառ, մարոնիտ-կաթոլիկ և հայկական եկեղեցիներ հայտնվել են «ռազմական գերիների» կարգավիճակում:

Այդ եկեղեցիների մի մասը թալանվել է, մի մասը վերածվել է զորանոցների, իսկ մի մասն էլ խոնարհվել է ոչ առանց թուրք զինվորականների աջակցության: Կոզակու Մարկուլլին մեղադրելով Թուրքիային` հիշեցրել է Եվրամիության երկրներին, որ այդ բոլորն իրականացվում է Եվրամիության անդամության թեկնածու Թուրքիայի կողմից` Եվրամիության աչքի առաջ:

armweeklynews.am