Հայկական գերեզմանոցի շուրջ քննարկումները լարվածություն են ստեղծել Մալաթիայի քաղաքապետարանի խորհրդարանում

Ինչպես հաղորդում է թուրքական «sondakika.com» լրատվական կայքը, հայկական գերեզմանոցում կատարված ավերածությունները Մալաթիայի քաղաքապետարանի խորդհրդում լարվածության առիթ են հանդիսացել:

Մալաթիայի քաղաքապետարանի օրակարգ է բարձրացել անցյալ ամիս քաղաքապետարանի աշխատակիցների կողմից հայկական գերեզմանոցի աղոթատան (մատուռ), դիակը լվանալու վայրի պահակատան փլուզումը:

Քաղաքապետարանի խորհրդի անկախ անդամ Մեհմեդ Մորանը, իր ելույթում ասելով, թե հայկական գերեզմանատան քանդված հատվածը հակասում է ընդհանուր   բարեշինությանը և ապօրինի է, քննադատել է Ժողովրդահանրապետական կուսակցության` ավերման առնչությամբ ցուցաբերած հակազդեցությունը: Մորանը ամբիոնից ցույց է տվել կողք-կողքի հայերի` թուրքական դրոշն այրելու և ոտնահարելու նկարն ու գերեզմանոցում կատարած ավերածություններից հետո ԺՀԿ-ական խորհրդարանի պատգամավորների` նահանգապետի հետ միասին հայկական գերեզմանատանը կատարած մամլո ասուլիսի նկարները:

Երբ Մեհմեդ Մորանը դիմել է ներկաներին` ասելով` «2009 թ. նոյեմբերի 2-ից սկսած շինարարության ամեն տեսակի անօրինականությունների դեմ կեցվածք ընդունող և պայքարող, սակայն այս հայկական գերեզմանոցում մաքսանենգ կերպով, առանց արտոնագրի, առանց թույլտվության կատարված շինարարության, այսինքն, այլ կերպ ասած` մեկ այլ անօրինականության տեղիք տված և աջակցած  ԺՀԿ-ի հարգելի’ նահանգային ղեկավար, քաղաքային խորհրդի անդամնե’ր և նահանգային Գլխավոր խորհրդի անդամնե’ր», անդամներից Դողան Ալդաշը հակազդել է նրան` ասելով. «Դու ո՞վ ես, որ կուսակցության անունն արատավորում ես, տե’ղդ նստիր…»:

Մի ակնթարթում սրահը լցվել է փոխադարձ հայհոյանքներով, մթնոլորտը շիկացել է: Խորոհրիդ փոխնախագահը գործընկերներին հանդարտվելու կոչ է արել, որից հետո ԺՀԿ անդամ Դողան Ալդաշն ասել է, որ նահանգապետի և քաղաքապետի համաձայնությամբ է շինարարությունը սկսվել, անօրինական ոչինչ չկա: Ալդաշը նաև հավելել է, որ բազմաթիվ եվրոպական երկներում մզկիթ կա, սակայն երբևիցե այդ մզկիթները չեն քանդել:

12.03.2012

Akunq.net