Արամ Աթեշյանը մանակցելու է Թուրքիայի նոր սահմանադրության քննարկմանը

Թուրքիայի խորհրդարանի Սահմադրական հանձնաժողովը նոր Սահմանադրության հետ կապված հարցերը քննարկելու համար խորհրդարան է հրավիրել նաև հայ համայնքի ներկայացուցիչներին:

Քննարկումը, որին կմասնակցի Պոլսո պատրիարքի փոխանորդ, արքեպիսկոպոս Արամ Աթեշյանը և համայնքի այլ ներկայացուցիչներ, տեղի է ունենալու երկուշաբթի օրը` մարտի 12-ին:

Ինչպես տեղեկացնում է Haberturk-ը, նույն օրը հանձնաժողովը լսելու է նաև մի քանի հասարակական կազմակերպությունների` թուրք կանանց, հաշմանդամների և այլ խմբերի հարցերով զբաղվողների կարծիքները:

Հիշեցնենք, որ Արամ արքեպիսկոպոս Աթեշյանը, վերջերս խոսելով նոր Սահմանադրության մասին, հայտարարել էր, որ Թուրքիայի Սահմանադրությունից պետք է վերացնել այն կետը, ըստ որի` Թուրքիայում ծնված յուրաքանչյուր քաղաքացի համարվում է թուրք:

http://tert.am/am/news/2012/03/10/ateshyan/