«Սպանել մի հայի». թուրք գրողի ոչ միանշանակ վերնագրով գիրքը

Թուրք գրող Արիֆ Նիհաթ Դուրսունի ոչ միանշանակ ընկալվող վերնագրով գիրքը հայնվել է գրախանութներում:

Դուրսունն իր գիրքը կոչել է «Սպանել մի հայի», իսկ նրա շապիկին հայտնվել է զենքը գլխին պահած մի տղամարդու նկար:

Թեև առաջին հայացքից հակահայ երևացող վերնագրին, սակայն գիրքն ազգամիջյան ատելության և այլատյացության քարոզ չի պարունակում:

Թուրք գրողը որոշել է գիրք գրել արգենտինահայ մի տղամարդու հետ հանդիպումից հետո, ով, ըստ հեղինակի, փոխել է իր մոտ հայերի վերաբերյալ «հայտնի» պատկերացումները:

Դուրսունը փորձել է ավելի շատ ուշադրությունը կենտրոնացնել միջանձնային հարաբերություններին և հասարակության մոտեցումներին:

Նշենք, որ որոշ ժամանակ թուրքական հրատարակչական տները հրաժարվել են տպագրել Դուրսունի գիրքը, որը թվով երկրորդ նրա ստեղծագործությունն է:

08 Մարտի 2012

HayNews.am