Թուրքիայում դպրոցներին հայերին վիրավորող արտահայտություններով գրքեր են բաժանել

Թուրքիայում շարունակվում է հայերի դեմ ատելություն եւ թշնամություն սերմանող նյութերի տարածումը։ Այս անգամ էլ Թուրքիայի ազգային կրթության նախարարությունը Քարթալի շրջանի դպրոցներին անվճար բաժանել է հայկական հարցի հետ կապված գրքեր, որոնց մեջ տեղ են գտել հայերի նկատմամբ վիրավորանքներ պարունակող արտահայտություններ։

Թուրքական Birgun կայքի փոխանցմամբ՝ Յունուս Զեյրեքի ստորագրությամբ գրքի ենթավերնագրերից են «Մի դավաճանության անատոմիա», «Նման հարեւանը թշնամի է» եւ այլն։

Գրքում թիրախ են դարձել նաեւ «Իմ հայ եղբայրներից ներողություն եմ խնդրում» ակցիայի մասնակից թուրք լրագրողներ, հասարակական ու քաղաքական գործիչներ եւ մտավորականներ։

http://news.am/arm/news/96201.html