Թուրքական բանտերում քուրդ երեխաների բռնաբարությունների մասին գրած լրագրողները ձերբակալվել են

Թուրքական ոստիկանությունը Մարդին, Ադանա, Այնթափ, Ստամբուլ նահանգներում անցկացրած գործողությունների արդյունքում ձերբակալել է 61 քրդերի, այդ թվում` քրդական DIHA լրատվական գործակալության երեք լրագրողներին, որոնք գրել են Ադանայի բանտում քուրդ երեխաներին բանտապահների կողմից բռնաբարելու մասին:

Ինչպես հաղորդում է «Արմենպրես»–ը, այս մասին հայտնում է քրդական Firat լրատվական գործակալությունը` նշելով, որ գործողությունները 500 ոստիկանների մասնակցությամբ իրագործվել են Քրդստանի աշխատավորական կուսակցության (PKK) քաղաքային թեւ համարվող Քրդստանի հասարակությունների միության (KCK) գործի շրջանակում:

Նշվում է, որ ձերբակալների մեծամասնությունը Թուրքիայի խորհրդարանում 35 պատգամավորական աթոռներ զբաղեցնող միակ քարդական Խաղաղություն եւ ժողովրդավարություն կուսակցության անդամներ են:

http://armenpress.am/arm/news/682926/turqakan-banterum-qurd-erekhaneri-brnabarutyunneri.html