Պոլսո Հայոց փոխպատրիարքը բողոքել է Թուրքիայում հայերի հանդեպ կիրառվող խտրականությունից

Թուրքիայում Շիշլիի քաղաքապետարանի կողմից կազմակերպված նոր Սահմանադրության աշխատանքներին նվիրված համաժողովին մասնակցել են Թուրքիայի խորհրդարանի նախագահ Ջեմիլ Չիչեքը, Շիշլիի քաղաքապետ Մուսթաֆա Սարըգյուլը, Պոլսո Հայոց պատրիարքական ընդհանուր փոխանորդ, արք. Արամ Աթեշյանը, ասորական կաթոլիկ եւ ուղղափառ համայնքների ղեկավարներն ու այլք։

Թուրքական Haberler-ի փոխանցմամբ՝ Պոլսո Հայոց պատրիարքական ընդհանուր փոխանորդ, արքեպիսկոպոս Աթեշյանն իր ելությում նշել է, թե Թուրքիայի գործող Սահմանադրության մեջ իրենց տխրեցնող կետ կա, ըստ որի` Թուրքիայի հանրապետության բոլոր քաղաքացիները թուրք են։ «Մենք գիտենք, որ Թուրքիայի քաղաքացի ենք, բայց Թուրքիայի քաղաքացի հայ։ Չեք կարող ասել, թե Թուրքիայի քաղաքացիություն ունեցողները բոլորը թուրք են։ Այստեղ պետք է փոփոխություն արվի։ Ես նույնիսկ ոստիկան չեմ կարող դառնալ։ Օրենքի առաջ բոլորը հավասար են, սակայն իրականության մեջ չկա այդ հավասարարությունը»,-ասել է Արամ Աթեշյանը։

http://news.am/arm/news/95856.html