Թուրքիայում հերթական հակահայ դրսևորումն է գրանցվել:Մասնավորապես, Թուրքիայի սևծովյան Ռիզե նահանգում «զավթումից ազատագրվելու տոնի» ժամանակ մի ներկայացում է բեմադրվել, որի ժամանակ ցուցադրաբար «սպանել» են հայերի:
Ըստ ներկայացման սցենարի` թուրք «հերոսների» կողմից ցուցադրաբար սպանվում են հայ զինվորները, որոնք «գրավել» էին Ռիզեն: Ներկայացման ողջ ընթացքում հայերը ներկայացվում են խիստ բացասական երանգով, իսկ նրանց սպանողները դասվում «հերոսների» շարքը:
Ներկայացումը տեղի է ունեցել Ռիզե քաղաքի կենտրոնական հրապարակներից մեկում մեծ թվով հանդիսականների ներկայությամբ:
Նշենք նաև, որ փետրվարի 26-ին Ստամբուլում խոշոր հակահայ ցույց էր տեղի ունեցել, որի ժամանակ վեր էին պարզվել հայերին վիրավորող պաստառներ և կոչեր հնչել` սպանելու բոլոր հայերին:
HayNews.am
Leave a Reply