Թուրքիայի վարչապետ Թայիփ Էրդողանը, ով օրեր առաջ մեծ կարևորություն չէր տալիս հայերին վիրավորող պաստառներին, մարտի 2-ին ելույթ ունենալիս հիշել է համերաշխությունն ու հանդուրժողականությունը:
Էրդողանը մասնակցել է Մշակույթի նախարարության կազմակերպած «Մշակույթի և արվեստի բնագավառում մեծ մրցանակաբաշխությանը»:
Մրցանակաբաշխության ժամանակ հատուկ մրցանակի է արժանացել պոլսահայ աշխարհահռչակ լուսանկարիչ Արա Գյուլերը, ով հայտնի է «Ստամբուլի աչք» մականունով:
Էրդողանը, հայտնվելով մշակութային մթնոլորտում, միգուցե պահի ազդեցության տակ հիշել է հանդուրժողականությունը, եղբայրությունն ու հավասարությունը:
«Այս հողերի վրա տեղ չենք տա ազգայնամոլությանը, ռասիզմին, ատելությանը: Թուրքիայում բոլոր քաղաքացիները հավասար են, դասակարգեր չկան: Թուրքի, քրդի, չերքեզի, արաբի, հայի, ալևիի, սունիի և քրիստոնյայի միջև ոչ մի տարբերություն չկա»,-նշել է Էրդողանն իր ելույթի ժամանակ:
Հիշեցնենք, որ օրեր առաջ Թուրքիայի վարչապետը հայտարարել էր, որ «Ստամբուլում փետրվարի 26-ի ցույցի ժամանակ բարձրացված հայատյաց պաստառները ոչ մի ստվեր չեն կարող գցել «Խոջալուի դեպքերի» հանդեպ իրենց ցավի վրա»:
HayNews.am
Leave a Reply