«Ակօս»-ը Թաքսիմի ցույցերին պատասխան կոչով է հանդես եկել

«Ակօս» շաբաթաթերթը, անդրադառնալով Ստամբուլի Թաքսիմ հրապարակում տեղի ունեցած ցույցին և այնտեղ հնչած հայտարարություններին, իր հերթական համարում պատասխան կոչով է հանդես եկել: Ինչպես հաղորդում է «Արմենպրես»-ը, այս մասին տեղեկացնում է թուրքական Today’s Zaman թերթը` հղում կատարելով «Ակօս» շաբաթաթերթին:

Ի պատասխան Թաքսիմի հրապարակում տեղի ունեցած դեպքերին` «Ակօս»-ի գլխագրում ասվում է. «Դժբախտաբար, հրապարակում հավաքվածներին միավորում էր ոչ թե ընդհանուր վիշտը, այլ հայերի նկատմամբ ատելությունը: Եկեք պաշտպանենք կյանքը, այլ ոչ թե արյունը: Կյանքն իրավունք է, որը բոլորս ունենք: Մի օր այդ հրապարակում մենք կկարողանանք կանգնել միասին և զգալ մեկս մյուսի ցավը: Մենք ցանկանում ենք տեսնել այդ օրը, և այդ օրը միայն միասին մենք կարող ենք ստեղծել: Եկեք կյանք գտնենք միմյանց մեջ»: 

http://armenpress.am/arm/news/682389/akos-y-taqsimi-cuycerin-pataskhan-kochov-e-handes-ekel.html