Թուրքիայի ներքին գործերի նախարարը հրաժարվում է իր հակահայկական բովանդակությամբ ճառից

Զգալով հասունացող սկանդալը փետրվարի 26-ի Խոջալուի հանրահավաքի ֆինանսավորման աղբյուրների բացահայտման հետ` Թուրքիայի ներքին գործերի նախարարը շտապել է հայտարարություն տարածել:

Արդեն տեղեկացրել ենք, որ փետրվարի 26-ին Ստամբուլում Խոջալուի դեպքերի կապակցությամբ հանրահավաքը վերածվել էր ֆաշիստական երթի, ինչը այսօր թուրքական մամուլը և մտավորականությունը համարում են տարեսկզբի ամենամեծ քաղաքական խայտառակությունը ( Ի վերջո ով է իրականում բ…-ի զավակը կամ անօրինական ծնունդը` փիչ ):

Թուրքիայի ներքին գործերի նախարարը, ելույթ ունենալով այդ հանրահավաքի ընթացքում, «արյան վրեժ էր պահանջել հայերից» (Թուրքիայի ներքին գործերի նախարարը հայերից արյան վրեժ է պահանջում ):

Իսկ ֆաշիստները ազգային և կրոնական անհանդուժողականություն սերմանող ցուցապաստառներ էին պարզել: Նույն օրերին թուրքական Թարաֆ թերթը նշել էր, որ Ադրբեջանից 2 մլն դոլար է բերվել Թուրքիա` հանրահավաքի ծախսերը հոգալու համար (Թուրքիայում Խոջալուի հանրահավաքների համար միլիոնավոր դոլարներն առձեռն են բերվել):

Մարտի 1-ին Թուրքիայի ներքին գործերի նախարարությունն իր պաշտոնական կայքում հայտարարություն է տեղադրել, ուր նշվում է, թե նախարարությունը ևս դատապարտում է, որ փետրվարի 26-ին մի խումբ ծայրահեղականներ հանրահավաքի վրա ստվեր գցելու նպատակով սադրիչ պաստառներ են պարզել: Այժմ դատախազությունը ճշտում է սադրիչների ինքնությունը և բնակության վայրերը, ասվում է հայտարարության մեջ:

 Ներքին գործերի նախարարությունը նաև հայտարարում է, որ Թուրքիայի որոշ լրատվամիջոցներ, ճիշտ չընկալելով հանրահավքին նախարարի ելույթի իմաստը, հատվածաբար են ներկայացրել այն` փորձելով հանրությանը մոլորեցնել, որ նախարարն է քաջալերել այդ սադրիչներն: Նախարարությունը նպատակ ունի իրավական հարթության վրա պարզել այդ հարցերը: Նշվում է նաև, որ հանրահավաքը կազմակերպել են հասարակական կազմակերպությունները և ոչ մի քաղաքական ուժ կամ կազմակերպություն այն չի ֆինանսավորել:

Այս հայտարարությունը վկայում է, որ Թուքիայի ներքին գործերի նախարարը նոր է ըմբռնել, թե ինչ հիմարություն են արել Ադրբեջանի նախագահ Ալիևի հետ միասին և այժմ չեն կարողանում պատասխանել թուրք մտավորականների մեղադրանքներին ու հարցերին:

Թուրքիան նորից ցույց տվեց իր դեմքը համաշխարհային հանրությանը:

armweeklynews.am