ՈՒԱՇԻՆԿԹԸՆ, «Արմէնփրէս».- Ուաշինկթընի մօտ հիւսիսային Իրաքի քրտական վարչախումբի ներկայացուցիչ Քուպաթ Թալապանի, Թուրքիա-Իրաք յարաբերութիւններու մասին «Հապերթիւրք»ին մէջ ըրած մեկնաբանութեան ընթացքին յայտարարած է, թէ Թուրքիոյ Քիւրտիստանի բանուորական կուսակցութիւնը մէկ միլիոնէ աւելի անդամ ունի:
Ակնարկելով հիւսիսային Իրաք ապաստանած քիւրտ յեղափոխականներու վրայ թրքական յարձակումներուն՝ Իրաքի նախագահ Ճալալ Թալապանիի որդին ըսած է, թէ նման գործողութիւններ անիմաստ են, եւ Թուրքիա պէտք է ուշադրութիւնը կեդրոնացնէ իր սահմաններէն ներս գտնուող Քիւրտիստանի բանուորական կուսակցութեան անդամներուն վրայ: Ան աւելցուցած է, թէ քրտական հարցը կարելի չէ ռազմական ճանապարհով լուծել: «Քրտական հարցը ինքնութեան, պատմութեան, քաղաքականութեան, մշակոյթի խնդիր է եւ անիկա հիմա Թուրքիոյ ներքին հարցն է», եզրակացուցած է Ք. Թալապանի:
Leave a Reply