Ցեղասպանությունների ժխտումը քրեականացնող օրենքի ընդունման այս փուլում հաղթեցին «թուրքական կողմի ճնշումներն ու կաշառքները», ասել է Կիրո ՄանոյանըԿիրո Մանոյան

ՀՅԴ Բյուրոյի Հայ Դատի եւ քաղաքական հարցերի գրասենյակի ղեկավար Կիրո Մանոյանն այսօր ասել է, որ Ֆրանսիայում ցեղասպանությունների ժխտումը քրեականացնող օրենքի ընդունման գործընթացի այս փուլում հաղթեցին «թուրքական կողմի ճնշումներն ու կաշառքները»:

«Սահմանադրական խորհրդի անդամներից ոմանք մոտ են կանգնած թրքամետ կազմակերպություններից: Ակնհայտ է, որ թուրքական ճնշումները թողել են իրենց ազդեցությունը: Սա պատիվ չի բերում Ֆրանսիային»,- ասել է Կիրո Մանոյանը:

Պատասխանելով Մեդիամաքս-ի հարցին, թե արդյոք Ֆրանսիայում առաջիկա տարիներին կստեղծվի՞ նման հարմար քաղաքական պահ օրինագծի ընդունման համար` Կիրո Մանոյանը նշել է, որ չգիտի, թե նման պահ կհասունանա, թե ոչ:

«Եթե հայ համայնքը շարունակի աշխատանքը, այդ հարմար պահը մի օր անպայման կգա»,- մանրամասնել է նա:   

Անդրադառնալով Ֆրանսիայի նախագահ Նիկոլա Սարկոզիի` ցեղասպանությունների ժխտումը քրեականացնող նոր օրինագիծ մշակելու առաջարկին, Կիրո Մանոյանն ասել է, որ դա բարի կամքի դրսեւորում է, սակայն դրանով նախագահը չի հասցնի գործընթացն ավարտին հասցնել, քանի որ մայիսին խորհրդարանը գնում է արձակուրդ:    

Երեկ Ֆրանսիայի Սահմանադրական խորհուրդը հակասահմանադրական է ճանաչել ավելի վաղ Ազգային ժողովի եւ Սենատի կողմից ընդունված Ցեղասպանությունների ժխտումը քրեականացնող օրինագիծը:

http://www.mediamax.am/am/news/armeniaturkey/4253/