Թուրք ուսանողներն իրար ծեծել են հայերին վիրավորող պաստառների պատճառով

Թուրքիայումհակահայ տրամադրությունների ալիքը չի նվազում, սակայն այդ ամենին զուգահեռ գրանցվում են նաև հետաքրքիր միջադեպեր:

 

Ինչպես տեղեկացնում է թուրքական մամուլը, Անկարայի համալսարանի Ջեբեջի մասնաշենքում ընդհարում է տեղի ունեցել ուսանողական երկու խմբերի միջև, ինչի պատճառը եղել են հայատյաց պաստառները:

Մասնավորապես, ուսանողների մի խումբն իր բողոքն է հայտնել հայերի նկատմամբ վիրավորանք պարունակող պաստառների դեմ, որոնց պարզվել էին փետրվարի 26-ին Ստամբուլում տեղի ունեցած հայատյաց ցույցի ժամանակ: Ուսանողների խումբը հայերին վիրավորող կոչերի դեմ բողոքի ձայն է բարձրացրել` դրանք քննադատող պաստառներ կպցնելով համալսարանի պատերին:

Սակայն ազգայնական տրամադրված մեկ այլ խումբ սկսել է պատռել այդ պաստառները, ինչին հետևել է զանգվածային ծեծկռտուքը:

Ծեծկռտուքի ժամանակ ուսանողներն միմյանց հարվածել են քարերով և փայտերով: Ոստիկանական ուժերի միջամտությունից հետո կողմերին հաջողվել է բաժանել: Կան նաև վիրավորներ, ինչպես նաև ձերբակալվածներ:

HayNews.am