Թուրքիայի արտաքին գործերի նախարար Ահմեթ Դավութօղլուն հայտարարել է, թե Թուրքիան պատրաստ է հայերի հետ կիսել նրանց ցավը` 2015-ին Հայոց ցեղասպանության 100-րդ տարելիցը նշելուն ընդառաջ: Այս մասին գրում է Al-Arabiya-ն` վկայակոչելով TRT Haber պետական հեռուստաալիքին նախարարի տված հարցազրույցը:
«Մենք ցանկանում ենք կիսել նրանց ցավը, ովքեր պատրաստ են մեզ հետ կիսել դա», – ասել է Դավութօղլուն:
Al-Arabiya-ն այնուհետև գրում է 1,5 մլն հայ զոհերի մասին, ներկայացնում Հայաստանի, Թուրքիայի, Ադրբեջանի, նաև Ֆրանսիայի միջև զարգացումները այս հարցի շուրջ` հիշատակելով Արցախի պատերազմը, հայ-թուրքական սահմանի փակումը, դիվանագիտական հարաբերությունների վերականգման փորձը և հասնելով մինչև ցեղասպանության հերքումը քրեականացնող ֆրանսիական օրենքի ընդունումն ու դրա հակասահմանադրական ճանաչելը:
Այնուհետև մեջբերվում է թուրք նախարարի խոսքն այն մասին, թե Սարկոզին «Ֆրանսիական մշակույթի և իրավունքի դեմ պատերազմ է սանձազերծում»:
Leave a Reply