Թուրքիայի նախագահին կից Պետական վերահսկողության վարչությունը ավարտին է հասցնում Հրանտ Դինքի սպանության գործի քննության ուսումնասիրության եզրակացությունը, որոնք առաջիկայում կհրապարկվեն զեկույցի տեքստով։
Թուրքական Cumhuriyet-ի թղթակիցը նշում է, թե Պետական վերահսկողության վարչությունը Դինքի սպանության գործի քննության մեջ կարեւոր խախտումներ եւ բացթողումներ է հայտնաբերել։ Նշվում է, որ սպանության գործով մի շարք փաստաթղթերում կեղծիքներ են արվել, մի շարք փաստաթղթեր ուղղակի անհետացել են։ Զեկույցում պահանջվելու է հետաքննություն սկսել մի շարք պաշտոնյաների դեմ։
Նշենք, որ օրեր առաջ հրապարկվել է նաեւ Թուրքիայի խորհրդարանի մարդու իրավունքների պաշտպանության հանձնաժողովի կազմում 2008-ին ստեղծված Դինքի սպանության գործով ենթահանձնաժողովի իրականացրած աշխատանքի զեկույցը։
«Հրանտ Դինքի դեմ կազմակերպվելիք գործողության մասին տեղյակ են եղել թե ոստիկանները, թե ժանդարմերիան, սակայն այն չի ուսումնասիրվել, եւ անհրաժեշտ միջոցառումներ չեն իրականացվել»,-նշվել է զեկույցում։
Leave a Reply