Թուրքիայի արտգործնախարար Ահմեդ Դավութողլուն հեռախոսազրույց է ունեցել ԱՄՆ պետքարտուղար Հիլարի Քլինթոնի հետ և շնորհակալություն հայտնել Ֆրանսիայի Սենատի կողմից ցեղասպանությունների ժխտումը քրեականացնող օրինագիծը քննադատելու համար:
Հեռախոսազրույցի ընթացքում Դավութողլուն և Քլինթոնն անդրադարձել են նաև Մերձավոր Արևելքի իրադարձություններին առնչվող հարցերի:
Հիշեցնենք, որ խոսելով Ֆրանսիայի Սենատի օրինագծի մասին, Քլինթոնն ասել էր. «Մենք երբեք չենք ընթանա այն ճանապարհով, որտեղ միտք արտահայտելը հանցանք է համարվում: Մեր ուժեղ կողմերից մեկն այն է, որ մենք ազատ խոսքը չենք քրեականացնում։ Իսկ մյուս երկրները, այդ թվում և մեր բարեկամ ու դաշնակից Ֆրանսիան, այլ չափանիշներ, այլ պատմություն ունեն։
Մենք, սակայն, հուսով եմ, երբեք չենք գնա խոսքը քրեականացնելու ուղով: Որքան սոսկալի և հուզումնալից լինի կատարվածը, միևնույն է, պատմական հարցերը լուծելու համար պետական իշխանության օգտագործումը բացում է այն դուռը, որով շատ վտանգավոր է անցնելը»:
Leave a Reply