Թուրքիայի նախագահ Աբդուլլա Գյուլի ենթակայության տակ գտնվող Պետական վերահսկիչ պալատը Ստամբուլի «Ակոս» թերթի հայազգի խմբագրապետ Հրանտ Դինքի գործով մեկ տարի առաջ սկսած հետաքննչական աշխատանքների արդյունքում պարզել է, որ Դինքի սպանության հետ կապված որոշ կարեւոր փաստաթղթեր անհետացել են:
Ինչպես հաղորդում է «Արմենպրես»–ը, վկայակոչելով թուրքական Դողան լրատվական գործակալությունը, վերահսկիչ պալատի պատրաստած 50 էջանոց զեկույցում ասվում է, որ Դինքի գործի հետ կապված որոշ կարեւոր փաստաթղթերի անհայտացումից բացի, մի շարք փաստաթղթերի բնօրինակների փոխարեն պատճեներն են տեղադրված, սպանության բացահայտման հարցում կարեւոր դեր ունեցող փաստաթղթերի ամսաթվերն էլ փոփոխված են:
Թուրքիայի նախագահականին կից Պետական վերահսկիչ պալատը Դինքի սպանության գործի հետաքննությունը սկսել է նախագահ Գյուլի անմիջական ցուցումով` 2010 թ-ի օգոստոսին:
27.01.2012
Armenpress.am
Leave a Reply