Ալի Էրթեմն այս միջոցառման մասին լուրը թեև ուղարկել է որոշ ուշացումով, բայց նպատակահարմար համարեցինք այն զետեղել մեր լրատվության բաժնում, քանզի մի առանձին էջ է Հրանտ Դինքի դատավարության նկատմամբ արձագանքների շարքից:
Միություն ընդդեմ ցեղասպանության կազմակերպության կոչով Մայնի Ֆրանկֆուրտ քաղաքում հավաքված Հրանտի ընկերները հունվարի 19-ին կազմակերպված միջոցառման շրջանակներում մեկ անգամ ևս հասարակայնությանը հաղորդեցին իրենց պահանջների մասին, որոնք վերաբերում էին Հրանտ Դինքի և Ցեղասպանությանը զոհ հայ ժողովրդի իրավունքներին և արդարադատությանը:
Ցույցը, որին մասնակցում էին բազմաթիվ անձինք, մեկնարկեց հարգանքի տուրքի մատուցմամբ: Գերմաներեն և թուրքերեն լեզուներով ելույթների միջոցով մասնակիցները Ֆրանկֆուրտի հասարակայնությանը հայտնեցին քաղաքական սպանությունը կոծկելու նախաձեռնության մասին, սպանություն, որը կատարվել էր Թուրքիայի պետության, բանակի, անվտանգության կազմակերպության, հետախուզության և բյուրոկրատիայի առանցքային կետերում գտնվող ղեկավարների գիտությամբ: Հանուն արդարության` միջոցառման մասնակիցներն իրենց բողոքն արտահայտեցին արդարադատությունը ոտնակոխ անող Թուրքիայի Հանրապետության սկանդալային կեցվածքի դեմ և շեշտեցին, որ «Այս դատը երբեք չի կարող այսպես ավարտվել»:
Միություն ընդդեմ ցեղասպանության կազմակերպության` գերմաներենով հայտարարության մեջ հիշեցվել է, որ ի դեմս Հրանտ Դինքի` հայ ժողովրդին ի նկատի ունեցած Թուրքիայի պետությունը անընդհատ օրակարգում է պահում 1915 թ. ցեղասպանությունը` որպես պետական քաղաքականություն, ցեղասպանություն, որը տարիներ շարունակ ձգտել է ժխտել: Հայտարարության մեջ հասարակության ուշադրությունն է հրավիրվել, որ Հրանտ Դինքի սպանությունը, որը խորը վերք է թողել հայ ժողովրդի սրտում, վերստին մեր առաջ է դուրս եկել որպես նույն մեթոդի և նույն մտայնության արգասիք` ծրագրրումից մինչև իրականացում, ապացույցները թաքցնելուց մինչև իսկական մարդասպաններին և հրահրողներին պաշտպանում: Այդ պատճառով ընդգծվել է Հրանտի և Ցեղասպանության զոհերի համար արդարադատության պահանջների միավորման ամհրաժեշտությունը:
Ելույթների միջև դադարների ժամանակ ներկաներն ունկնդրեցին հայկական այն մեղեդիները, որ սիրում էր լսել Հրանտը:
Մասնակիցներին հատկապես հուզեց Հրանտի ընկերներից մեկի հակիրճ, բայց անկեղծ ելույթը, որում արտահայտված էին նրա զգացմունքներն ու մտքերը:
Բացի այդ` միջոցառման շրջանակներում ներկայացվեց մեկ այլ ուղերձ, որը հղել էին Նոր զարթոնք և այլ հեղափոխական կազմակերպությունները, ովքեր հնչեցրել էին «Արդարադատություն` հանուն Հրանտի», «Երբե’ք չենք մոռանալու: Հաշի’վ ենք պահանջելու մարդասպաններից» կարգախոսները: Այս ուղերձի ընթեցումից հետո փակման կարճ ելույթով Միություն ընդդեմ ցեղասպանության կազմակերպությունը շնորհակալություն հայտնեց իր կոչին պատասխանած և միջոցառմանը մասնակցած Հրանտի բարեկամներին, և միջոցառումն ավարտվեց:
22.01.2012
Ֆրանկֆուրտ
Լուրը պատրաստել է Ալի Էրթեմը
Լուսանկարները` Մուրադ Փեքինելի
Leave a Reply