Եվրոպայի խորհրդի խորհրդարանական վեհաժողովը (ԵԽԽՎ) հռչակագիր է ընդունել, որով Թուրքիային կոչ է անում ճանաչել 1915թ. հայոց, հույների և ասորիների ցեղասպանությունները:
Ինչպես այս մասին տեղեկացնում է ԵԽԽՎ պաշտոնական կայքը, փաստաթուղթը ԵԽԽՎ-ում ստորագրվել է 24 երկրի 35 պատվիրակների կողմից: Այն նաև անդրադառնում է Հրանտ Դինքի սպանության հինգերորդ տարելիցին:
«Մենք մտահոգված ենք թուրքական իշխանությունների կողմից հայերի, հույների և ասորիների նկատմամբ իրականացված ցեղասպանությունների շարունակական ժխտմամբ և լրագրողների ու գրողների նկատմամբ հետապնդումների նպատակով քրեական օրենսգրքի 301 հոդվածի օգտագործմամբ»,- ասված է փաստաթղթում:
«Ուշադրության կոչ Թուրքիայում շարունակվող անպատժելիության հետևանքների վերաբերյալ» վերտառությամբ փաստաթփուղթը ԵԽԽՎ լիագումար նիստում շրջանառության մեջ է դրել «Ժառանգություն» կուսակցության պատգամավոր Զարուհի Փոստանջյանը. տեղեկացնում է tert.am-ը:
Հուն. 26 (eMedia.am)
Leave a Reply