Դիարբեքիրի ամրոցի պեղումների արդյունքում նոր գանգեր են հայտնաբերվել

Դիարբեքիրի Սուր թաղամասի պատմական ամրոցում, որը նախկինում ծառայել է որպես բանտ, պեղումների ժամանակ ամենուրեք գանգեր եւ ոսկորներ են հայտնաբերվում:

Ինչպես հաղորդում է «Արմենպրես»–ը, վկայակոչելով «Անատոլու» գործակալությունը` Դիարբեքիրի նահանգապետարանի կողմից անցկացվող պեղումներում անցյալ շաբաթ հայտնաբերված 19 գանգերին 4-ն էլ են ավելացել:

Դիարբեքիրի հանրապետական դատախազությունը հետաքննություն է սկսել` այդտեղ մարդկային ոսկորներ հայտնաբերվելու գործով: Ոսկորներն ու գանգերը ԴՆԹ հետազոտություն կատարելու համար ուղարկվել են Ստամբուլ:

Ենթադրվում է, որ այդ ոսկորներն ու գանգերը պատկանում են տարածաշրջանում անհայտ կորած քրդերին:

Armenpress.am