Դեմոյեան ողջունելի կը նկատէ Մոսկուայի մէջ Հայոց ցեղասպանութեան թանգարան ունենալու գաղափարը

Հայոց Ցեղասպանութեան թանգարան-հիմնարկի տնօրէն Հայկ Դեմոյեան ողջունելի գաղափար նկատեց Սեւծովեան-Կասպեան տարածաշրջանի քաղաքական ու հասարակական հետազօտութիւններու հիմնարկի տնօրէն Վլադիմիր Զախարովի առաջարկը՝ Ռուսիոյ մէջ եւս Հայոց Ցեղասպանութեան թանգարան ստեղծելու:

Դեմոյեան յայտնեց, թէ թանգարանները պէտք չէ քաղաքական կեանքին մէջ օգտագործուող նիւթ ըլլան, այլ պէտք է ծառայեն յիշողութեան պահպանման:

«Մոսկուայում թանգարան ունենալու միտքն ընդունելի է, մանաւանդ, եթէ հաշուի առնենք, որ ռուս զինուորականներից շատերը Եղեռնի ժամանակ ականատես են եղել թուրքերի վայրագութիւններին», ըսաւ Դեմոյեան եւ ընդգծեց, որ բացի Հայոց Ցեղասպանութեան առնչուող փաստագրական նիւթերէն, այդ թանգարանին մէջ պէտք է ներկայացուին նաեւ փաստեր՝ մարդկութեան դէմ իրագործուած բոլոր ոճիրներուն մասին:

http://asbarez.com/arm/121212/