Օրինագծի` օրենքի ուժ ստանալուց հետո կիրագործենք մեր ասածները. Թուրքիայի ԱԳՆ

Ֆրանսիայի Սենատի կողմից Ցեղասպանությունների ժխտումը քրեականացնող օրինագծի ընդունումից հետո Թուրքիայի ԱԳՆ-ը հայտարարությամբ է հանդես եկել:

Թուրքական Milliyet-ի փոխանցմամբ` Թուրքիայի ԱԳՆ-ի տարածած հայտարարության մեջ նշվում է, որ իրենք խստորեն դատապարտում են հունվարի 23-ին Ֆրանսիայի Սենատի կողմից Ցեղասպանությունների օրինագծի ընդունումը: «Ամեն կողմից խնդիրներ ունեցող եւ անպատասխանատվության օրինակ հանդիսացող այդ որոշումը խստորեն դատապարտում ենք եւ մեր հակազդեցությունը հայտնելու ենք ամեն տեսակ նախաձեռնության ժամանակ:

Կարեւոր ենք համարում հիշեցնել, որ օրինագծի` օրենքի ուժ ստանալուց հետո Թուրքիան կիրագործի ավելի վաղ հայտնած գործողությունների իր ծրագիրը»,- նշվել է հայտարարության մեջ:

http://news.am/arm/news/90351.html