Հայկական Ցեղասպանութեան ժխտումը քրէականագանող օրինագիծի հեղինակ, Ժողովրդական Շարժում կուսակցութեան պատգամաւոր Վալերի Պոյէր, Ծերակոյտին կողմէ օրինագիծին ընդունումէն ետք չկրցաւ իր արցունքները զսպել։ Այս մասին կը գրէ թրքական «Միլլիէթ» թերթը:
Լրատուամիջոցներուն ըրած իր յայտարարութեան մէջ Պոյէր ըսած է, որ հպարտ կը զգայ այսպիսի օրինագիծի մը հեղինակը ըլլալուն համար:
Ծերակոյտին կողմէ հայկական օրինագիծին ընդունումէն ետք Ֆրանսայի մէջ Թուրքիոյ դեսպան Թահսին Պուրճուօղլու ըսած է, թէ «Շատ սխալ որոշում էր: Ասոր պատասխանատուն մենք չենք: Մենք մեր ձեռքէն եկածը ըրինք»:
Այն հարցումին, թէ ինք խորհրդակցութիւններու համար կրնայ Թուրքիա կանչուիլ, Պուրճուօղլու պատասխանած է՝ այդ ալ տարբերակներէն մէկն է:
Leave a Reply