Էդվարդ նալբանդյանը ողջունել է Ֆրանսիայի Սենատի որոշումը

Հայաստանի արտգործնախարար Էդվարդ Նալբանդյանը ողջունել է Ֆրանսիայի Սենատում Ցեղասպանությունների, այդ թվում Հայոց ցեղասպանության, ժխտումը քրեականացնող օրինագծի ընդունման փաստը:

«Այսօր Սենատի ընդունած որոշումը 2001 թ. Ֆրանսիայի կողմից Հայոց Ցեղասպանության ճանաչման մասին օրենքի տրամաբանական շարունակությունն է: Այս օրը ոսկե տառերով կգրվի ոչ միայն ֆրանսիացի եւ հայ ժողովուրդների բարեկամության պատմության մեջ, այլեւ աշխարհում մարդու իրավունքների պաշտպանության տարեգրքում եւ կլրացնի մարդկության դեմ հանցագործությունների կանխարգելման առկա մեխանիզմները։

Ֆրանսիան վերահաստատեց իր առանցքային դերակատարությունը` որպես համամարդկային արժեքների անշահախնդիր պաշտպան:

Ես կցանկանայի մեր երախտագիտությունը հայտնել Ֆրանսիայի Հանրապետության Նախագահին, Սենատին, Ազգային ժողովին, Կառավարությանն ու Ֆրանսիայի բարեկամ ժողովրդին»,- ասված է Նալբանդյանի հայտարարության մեջ:

Նշենք, որ յոթ ժամից ավելի տեւած քննարկումներից հետո օրինագիծն ընդունվել է 107 կողմ, 86 դեմ հարաբերակցությամբ:

http://gazeta.am/?p=14842&lang=hy