Էրդողանը սպառնում է այլևս Ֆրանսիա չգալ

Թուրքական Haberler.Com կայքի փոխանցմամբ՝ Թուրքիայի վարչապետ Էրդողանն անդրադարձել է Ֆրանսիայի Սենատի այսօրվա նիստին, որում քննարկվելու է Հայոց ցեղասպանության հերքումը քրեականացնող օրինագծի ընդունումը։

Այս կապակցությամբ Էրդողանը հերթական անգամ սպառնացել է Ֆրանսիային՝ ընդգծելով, որ եթե Ֆրանսիայի Սենատն ընդունի այդ օրինագիծը, ապա ինքն այլևս չի գա Ֆրանսիա.

«Ես ցանկանում եմ, որ Ֆրանսիայի Սենատը դեմ չգնա իր երկրի արժեքներին և չընդունի խոսքի ազատությանը հակասող այդ օրինագիծը։ Միայն մայիսին կայանալիք ընտրությունների համար չարժե գնալ այդ քայլին, քանի որ դա տարածվում է մեր տասնյակ հազարավոր եղբայրների վրա»։

Հիշեցնենք, որ ավելի վաղ Էրդողանը խոստացել էր շարունակել Ֆրանսիայի նկատմամբ պատժամիջոցների սահմանման գործընթացը, եթե Ֆրանսիայի Սենատը նույնպես, Ֆրանսիայի Ազգային ժողովի նման, ընդունի Հայոց ցեղասպանության հերքումը քրեականացնող օրինագիծը։ Ֆրանսիայի Սենատը Ցեղասպանության վերաբերյալ օրինագիծը քվեարկության կդնի 18:00-ին։

http://www.1in.am/arm/regional_turkey_55803.html