«Ակօս» շաբաթաթերթի ընթերցումը պետականորեն արգելված է Թուրքիայի դպրոցականներին

Պարզվել է, որ Թուրքիայի այն դպրոցներում, որոնք ենթակա են Ազգային կրթության նախարարությանը, հնարավոր չէ մուտք գործել «Ակօս» շաբաթաթերթի կայքէջ, և որ նախարարության կողմից կամայականորեն սահմանված այդ արգելքը ֆիլտրացվել է  Türk Telekom ընկերության կողմից:

Ինչպես հաղորդում է Firat լրատվական գործակալությունը, հայտնի չէ, թե «Ակօս»-ի համացանցային տարբերակը որ չափանիշներով է արգելվել:

Türk Telekom ընկերությունը գործակալությանը պարզաբանել է, թե Ազգային կրթության նախարարությունը պահանջել է «արգելել մասնավոր կայքերը», և «Ակօս»-ը նույնպես ենթարկվել է ֆիլտրացման` մասնավոր անձի անվամբ գրանցված լինելու պատճառով: Սակայն շաբաթաթերթի իրավասուները, հերքելով ընկերության բերած այդ փաստարկը, Firat-ին հայտնել են, որ «Ակօս»-ի կայքէջի դոմենը պատկանում է “e-kolay.net”-ին` նաև ընդգծել, թե «Նման հասարակ հարցում անգամ այդ արգելքը ցույց է տալիս, որ խտրականություն է կիրառվում»:

23.01.2012

Akunq.net