Գերմանիան ևս կարող է հետևել Ֆրանսիայի օրինակին Հայոց ցեղասպանության հարցում

Թուրքիան Գերմանիայից այսպիսի հարված չէր սպասում հունվարի 23-ից առաջ:

Գերմանիայի կանցլեր Անգելա Մերկելի կոալիցիոն կառավարության Մարդու իրավունքների խորհրդարանական խմբակցության խոսնակ Էրիկա Շտայնբախը հայտարարել է, որ Գերմանիան ևս կարող է Ֆրանսիայի օրինակով 1915-ի Հայոց ցեղասպանության ժխտումը քրեականացնող օրենք ընդունել:

 «Կոալիցիոն անդամների կարծիքով, Թուրքիան որքան էլ որ մերժի կամ չմերժի, ցեղասպանության իրողությունը փաստ է: Հայոց ցեղասպանության հարցը մշտապես պետք է գտնվի մեր օրակարգում: Թուրքիան պատասխանատվության դեմ հանդիման է» ,- ասել է Էրիկա Շտայնբախը, տեղեկացնում է CNNturk հեռուստաընկերությունը:

Խոսնակը նաև նշել է , որ Թուրքիայի ներկայիս իշխանությունները ցեղասպանություն չեն իրականացրել, հետևաբար նրաց համար հեշտ է իրականության գիտակցումը և ընդունումը: Էրիկա Շտայնբախը նաև հայտարարել է, որ միայն ընդդիմության հակազդեցությունը հաշվի առնելով` առայժմ նման օրինագիծ չի բերվում Գերմանիայի խորհրդարան:

 Այսպիսի ազդանշանը Գերմանիայի իշխող կոալիցիայի անդամի կողմից կարող է դրական ազդանշան հանդիսանալ Ֆրանսիայի Սենատի անդամների համար հուվարի 23-ի քվեարկությունից առաջ:

http://www.armweeklynews.am/awn/12/am_1075.htm