Թուրք դատախազը սառը ցնցուղ է լցրել Դինքի գործով ամոթալի վճիռ կայացրած դատավորների գլխին

Ստամբուլի գլխավոր դատախազության կողմից Հրանտ Դինքի գործով վճիռը բողոքարկելու որոշումից հետո Դինքի սպանության գործով դատախազ Հիքմեթ Ուստան խիստ քննադատության է ենթարկել դատավորների կայացրած որոշումը:

Թուրքական Milliyet-ի փոխանցմամբ` Դինքի սպանության գործով դատախազ Հիքմեթ Ուստան սուտ է համարել դատարանի կայացրած այն որոշումը, թե սպանության գործում չկար հանցավոր կառույց եւ ապացույցներ: «Ուզում եմ շեշտել, որ հանցավոր կառույց էլ կա, փաստեր էլ կան, եւ մի բան էլ ավել կա: Դատարանը գործը վատ է ուսումնասիրել: Դրա ապացույցներից մէկն էլ այն է, որ դատարանը մոռացել էր վճիռ կայացնել 19-րդ մեղադրյալի նկատմամբ»,-նշել է դատախազը` պնդելով, որ դատարանը սխալ որոշումներ է կայացրել եւ ազատել գլխավոր կասկածյալներից Էրհան Թունջելին:

Թուրք դատախազը նշել է, թե դատարանի որոշման տեքստը ստանալուց հետո կհրապարակի բողոքարկման տեքստն ամբողջությամբ:

 http://news.am/arm/news/89873.html