Եվրամիության հանձնաժողովն անբավարար է համարել Ստամբուլի դատարանի որոշումը և պահանջել է կատարել Մարդու իրավունքների եվրոպական դատարանի պահանջը:
Եվրամիության հանձնաժաղովի ընդլայնման պատասխանատու Ստեֆան Ֆյուլեի խոսնակ Պիտեր Ստանոն հայտարարել է, որ Ստամբուի 14-րդ ծանր հանցագործությունների դատարանի որոշումը չի համապատասխանում Մարդու իրավունքների եվրոպական դատարանի 2010 սեպտեմբերի 14-ին Հրանտ Դինքի գործի վերաբերյալ որոշման պահանջներին, ուր Թուրքիա պետությունը մեղավոր էր ճանաչվել Դինաքի կյանքի անվտանգությանը չպաշտպանելու համար:
«Հանցագործության մեջ յուրաքանչյուրի հանցանքի մասնակցության չափով դատապարտումը և բարձրաստիճան պատասխանատուների միջամտության քննությունն անհրաժեշտություն են»,-հայտարարել է Ստեֆան Ֆյուլեն: Այս մասին տեղեկացրել է Անադոլու գործակալությունը:
Հիշեցնենք, որ Ստամբուլի դատարանը հանցագործությունը մտադրելու և ծրագարավորելու մեղադրանքով ցմահ բանտարկության պատիժ է որոշել Յասին Հայալի նկատմամբ: Սակայն սպանությունն ուղղորդելու մեղադրանքով գործով անցնող կասկածյալ Էրհան Թունջելի վերաբերյալ դատարանը պատիժ չի սահմանել: Նրա նկատմամբ դատարանը միայն 10 տարի 6 ամիս ժամկետով ազատազրկման պատիժ է վճռել Տրապիզոնի McDonalds-ի վրա ռումբ նետելու համար: Դատարանը Հրանտ Դինքի դատական գործի վերաբերյալ որոշման մեջ նշել է, որ հանցագործությունը որեւէ կազմակերպության գործ չէ: Հենց այս պարագան է առաջացրել Եվրամիության հանձնաժողովի դժգոհությունը, քանի որ, բացի անմիջական հանցագործություն կատարողներից, պետական համակարգից այլ մասնակիցներ դուրս են մնացել պատասխանատվության դաշտից:
Ստեֆան Ֆյուլեն նաև Թուրքիային հիշեցրել է, որ նա պարտավորություն ունի Մարդու իրավունքների եվրոպական դատարանի առջև իր դատաիրավական համակարգի թերությունները վերացնելու և պետական կառույցներում «անձեռնամխելիության» կարծրացած ավանդույթը վերացնելու առումով:
Հավելենք, որ Եվրամիությունը Հրանտ Դինքի սպանության գործով Թուրքիայում իրականացվող դատավարության արդյունքներով է գնահատում այդ երկրի` որպես Եվրամիության թեկնածու, դատաիրավական բարեփոխումներում կատարած առաջընթացը:
Leave a Reply