Ֆրանսիայում Թուրքիայի դեսպան Թահսին Բուրջուօղլուն մեկնաբանել է հունվարի 23-ին Սենատում քվեարկության դրվելիք օրինագիծը, որը քրեական պատիժ է նախատեսում Հայոց ցեղասպանության փաստը ժխտողների համար:«Մենք գոհունակությամբ են ընդունել Ֆրանսիայի Սենատի սահմանադրական հանձնաժողովի կողմից օրինագծի վերաբերյալ որոշումը, որով այն հակասահմանադրական էր ճանաչվում»,-նշել է թուրք դեսպանը:«Հուսով ենք` նույն «ողջամտությամբ» Սենատի մյուս անդամները նույնպես «դեմ» կքվեարկեն օրինագծին: Հուսով ենք` Ֆրանսիան իրեն և անգամ Հայաստանին «կփրկի» այս անիմաստ քայլից»,-հավելել է Բուրջուօղլուն ու շարունակել.
«Մինչ երկուշաբթի մենք ժամանակ ունենք: Այդ ընթացքում շարունակելու ենք շփումներն ու հանդիպումները: Մենք աշխատում ենք շաբաթը 7 օր, օրը` 24 ժամ` թույլ չտալու օրինագծի ընդունումը:
Հիշեցնենք, որ հունվարի 23-ին Ֆրանսիայի Սենատը քվեարկության է դնելու Հայոց ցեղասպանության ժխտումը քրեականացնող օրինագիծը, որն ընդունվել էր խորհրդարանի ստորին պալատի` Ազգային ժողովի կողմից:
HayNews.am
Leave a Reply