Թուրքիայի ազգայնականները մտադիր չեն ներել Մեհրիբան Ալիևային

Թուրքիայում հանկարծ մտաբերել են, որ Մեհրիբան Ալիևան Ֆրանսիայի բարեկամ կոչում ունի:

Թուրքիայի կիսապետական մամուլը վերջին շրջանում հանկարծ հիշել է , որ Մեհրիբան Ալիևան Ադրբեջանի Ֆրանսիա-Ասդրբեջան բարեկամության պատգամավորական խմբի նախագահն է և սեպտեմբերի 8-ին անձամբ Նիկոլա Սարկոզիի ձեռքից ստացել է Պատվո Լեգիոն շքանշանը:

Թուրքական Ենի Շաֆաք թեթում քաղաքական գործիչները, մտավորականները և պատգամավորները Յուսուֆ Հալաչօղլու գլխավորությամբ սկսել են շանտաժի ենթարկել Ադրբեջանի ղեկավարությանը, պնդելով , որ Ալիևը բավարար հակազդեցություն չի ցույց տալիս Ֆրանսիային հունվարի 23-ին Ֆրանսիայի Սեանտում Հայոց ցեղասպանության ժխտումը քերականացնող օրինագծի քվեարկությունից առաջ: Ալիևից պահանջում են ակտիվ գործողություններ սկսել Ֆրանսիայի դեմ, քանի որ Ադրբեջանին աջակցության նպատակով Հայաստանի հետ հարաբերությունների չկարգավորումը Թուրքիային բերել է մի վիճակի, երբ ավելանում են ճնշումները եվրոպական երկրների կողմից Հայոց ցեղասպանության ճանաչման պահանջով:

Հունվարի 17-ին Ենի Շավաք թերթում տպագրված «Մեկ ազգ, երկու պետությունում ֆրանսիացի մնացած Ալիևը» հոդվածում բոլոր քաղաքական գործիչներն իրենց պարտք են համարել Ալիևին հիշեցնել, որ Ադրբեջանի առաջին տիկինը Ադրբեջան-Ֆրանսիա բարեկամության պատգամավորական խմբի ղեկավարն է և դեռևս կրում է Պատվո Լեգիոն շքանշանը:Իսկ Թուրքիայի խորհրդարանում Թուրքիա-Ադրբեջան բարեկամության պատգամավորական խմբի ղեկավար Նեջդեթ Յունուվարը կրկին հիշեցրել է, որ եթե այսօր Ադրբեջանը նստել է ՄԱԿ-ի Անվտանգության խորհրդի անդամի աթոռին, ապա դա միայն Թուրքիայի շնորհիվ է:

Ամփոփելով քաղաքական գործիչների Ադրբեջանի ղեկավարի նկատմամբ սպսռնալիքները և հին ու նոր պարտքերի հիշատակումները, թերթն իր ընթերցողներին տեղեկացնում է, որ մինչ այժմ Մեհրիբան Ալիևան հրաժարական չի տվել Ֆրանսիա-Ադրբեջան բարեկամության պատգամավորական խմբի ղեկավարությունից և ետ չի ուղարկել Պատվո Լեգիոն շքանշանը:

17.01.12

http://www.armweeklynews.am/awn/12/am_1052.htm