Դինքի ընկերները հիշատակի երեկո կանցկացնեն Ստամբուլում

2007 թ. հունվարի 19-ին թուրքական ազգայնամոլական շրջանակների կողմից դավադրաբար սպանված Ստամբուլի «Ակօս» թերթի հայազգի խմբագրապետ Հրանտ Դինքի արվեստագետ բարեկամներն ու ընկերները ծրագրել են հունվարի 20-ին Ստամբուլում հիշատակի երեկո անցկացնել:

Ինչպես հաղորդում է «Արմենպրես»–ը, վկայակոչելով CNNTurk-ը, երեկոն կանցկացվի Ստամբուլի GHETTO սրահում` երեկոյան ժամը 22:30-ին:

Թուրքիայում անվանի երաժիշտների եւ կատարողների մասնակցությամբ անցկացվելիք երեկոյից ստացված հասույթը կնվիրաբերվի «Հրանտ Դինք» հիմնադրամին:

Armenpress.am