Բաքըրքյոյի Ազգային կրթության վարչության ենթակայության տակ գտնվող գավառի բոլոր տարրական դպրոցներում անցկացվող Կրթական մակարդակը որոշող քննությունում տեղ գտած հայերի նկատմամբ խտրականություն և արհամարհանք պարունակող հարցը Բաքըրքյոյի երկու հայկական դպրոցի ցուցաբերած հակազդեցության արդյունքում չեղյալ է համավել:
Բաքըրքյոյի Ազգային կրթության վարչության Կրթական մակարդակը որոշող քննության /ԿՄՈՔ/, որը ստիպված են հանձնել գավառի հազարավոր աշակերտներ, գրքույկում տեղ գտած հարցում օգտագործել է խտրականություն և արհամարհանք պարունակող լեզու, որի թիրախ են հանդիսանում հայերը:
Ըստ «Ակօս» թերթի` Բաքըրքյոյի բոլոր դպրոցներում այսօր անցկացվող ԿՄՈՔ Հասարակագիտության բաժնի առաջին հարցը «Ռադիկալ» թերթի դեկտեմբերի 23-ի գլխագրերից է: «Ռադիկալի» «Թշվառներ» գլխագիրը տեղադրված էր տեքստի վերին հատվածում, իսկ գլխագրի ներքևում տեղ գտած հարցը հետևյալն էր. «Մուդրոսից հետո ստեղծված և հայերի կատարած դաժանությունների մասին փաստաթուղթ և ֆրեանսերեն ստեղծագործություններ հրապարակելով` համաշխարհային հասարակության վրա ազդեցություն գործելու նպատակ հետապնդող ներքոհիշյալ ո՞ր միության ազդեցիկ լինելու դեպքում այսօր հայկական հարցի վերաբերյալ այս լուրը կարող էր չհրապարակվել»:
Տարբերակները հետևյալն են`
ա. Կիլիկիացիների միություն
բ. Իզմիրի իրավական պաշտպանության միություն
գ. Ազգային կոնգրեսի միություն
դ. Թրակիայի Փաշաելի միություն
Բոլոր գավառներում միաժամանակ անցկացված Հասարակագիտության քննությունների ժամանակ ուսուցիչները հսկողություն են իրականացնում ոչ թե իրենց, այլ ուրիշ դպրոցներում: Խտրականություն պարունակող հարցը նկատելով` առաջին հակազդեցությունը ցուցաբերեց ազգությամբ ոչ հայ ուսուցիչը, ով քննության ժամանակ հսկողություն էր իրականացնում Բաքըրքյոյի Դադյան դպրոցում, որը գործում է շուրջ 150 տարի: Ուսուցիչն ասելով, թե ինքը հսկողություն չի իրականացնի մի քննության ժամանակ, որտեղ նման հարց է տրվում, լքեց քննասենյակը: Իրավիճակի մասին անմիջապես տեղեկացած Դադյան դպրոցի և Յեշիլքյոյի հայկական տարրական դպրոց տնօրենները աշակերտներին չվնասելու համար քննությունը դադարեցրել են:
Այս դեպքից հետո Ազգային կրթության վարչության հետ բանակցություններ սկսվեցին: Քննությունը դադարեցնելու պատճառով դպրոցի ղեկավարների վրա ճնշում գործադրելով` Ազգային կրթության վարչության իրավասուները հակազդեցին` ասելով, թե դպրոցի ղեկավարների նկատմամբ կարող են հարցաքննություն սկսել, սակայն երկու դպրոցի ղեկավարները հայտնելով, թե նմանատիպ հարցերի պատճառով մեծ վնաս են հասցնում աշակերտների մանկավարժական զարգացման վրա, պահանջեցին հանել հարցը: Երկար բանակցությունների արդյունքում Ազգային կրթության վարչությունը որոշում կայացրեց քննության հարցերից հանել այդ հարցը, որից հետ երկու դպրոցում քննություն անցկացրեցին:
13.01.2012
«Ռադիկալ»
Թարգմ.` akunq.net
Leave a Reply